១- ផឹកទឹកដាក់ចំណិតក្រូចឆ្មារ ៖
ការ ទទួលទានទឹក ជាពិសេសទឹកបរិសុទ្ធចន្លោះពី៨ទៅ១០កែវរៀងរាល់ថ្ងៃ ជាវិធីល្អតែមួយគត់ជួយឱ្យថ្លើមបំពេញមុខងារបណ្តេញសារធាតុពុល ចេញពីរាងកាយ ។ ដើម្បីឱ្យកាន់តែប្រសិទ្ធភាព គេគួរច្របាច់ក្រូចឆ្មារ១ផ្លែឬ១ផ្លែ១ចំហៀងក្នុងទឹកមួយកែវធំ ។ ក្រូចឆ្មារត្រូវគេដឹងថា មានផ្ទុកសារធាតុពិសេសម្យ៉ាងជួយជំរុញដល់សមត្ថភាពកម្ចាត់សារ ធាតុពុលរបស់ថ្លើម ។ អាស៊ីតស៊ីទ្រិចក្នុងទឹកក្រូចឆ្មារត្រូវគេពិសោធឃើញថា អាចជួយឱ្យថ្លើមផលិតទឹកប្រមាត់កាន់តែច្រើន ។
២- ទទួួលទានបណ្តាបន្លែគ្រប់ពណ៌ឱ្យបានច្រើន ៖
ពពួក បន្លែស្លឹកពណ៌បៃតង មើមការ៉ុត ស្ពៃក្តោប ឆៃថាវក្រហម និងបណ្តាបន្លែផ្សេងៗទៀតគឺជាអាហារបង្កើនថាមពលដល់ថ្លើម ។ នៅពេលបំពេញមុខងារកម្ចាត់ជាតិពុលពីរាងកាយ ថ្លើមត្រូវការចាំបាច់នូវកម្លាំងថាមពល ។ ដូច្នេះដើម្បីបង្កើនសមត្ថភាពកម្ចាត់ជាតិពុលរបស់វា គេគួរទទួលទាន ខ្ទឹមបារាំង ខ្ទឹមស និងខាត់ណាខៀវឱ្យបានច្រើន ។ ការខ្វះខាតសារធាតុចិញ្ចឹមតែមួយមុខណាមួយ អាចនឹងនាំឱ្យការបំពេញមុខងារកម្ចាត់ជាតិពុលរបស់ថ្លើមរាំងស្ទះ ទៅបានផងដែរ ។
៣- ម៉ាស្សារាងកាយនៅពេលខ្លះ ៖
ខណៈកំពុង ដេកផ្ងារ អ្នកអាចម៉ាស្សាដោយថ្នមៗលើថង់ប្រមាត់និងបរិវេណផ្តុំថ្លើមដែល ស្ថិតនៅបណ្តោយឆ្អឹងជំនីខាងក្រោមផ្នែកខាងស្តាំដងខ្លួន ។ ធ្វើបែបនេះនឹងជួយធ្វើឱ្យល្អប្រសើរដល់ការចរាចរឈាមទៅកាន់ថ្លើម ។
៤- គួរជៀសវាងទង្វើឬការហូបចុកដែលប៉ះពាល់ដល់ថ្លើម ៖
ដោយ គ្មានការរំខានពីគ្រឿងស្រវឹងនិងបណ្តាថ្នាំបំបាត់ការឈឺចាប់ ថ្លើមបំពេញមុខងាររបស់ខ្លួនបានយ៉ាងល្អគ្រប់គ្រាន់ ។ ជាទូទៅ ការលេបថ្នាំបំបាត់ការឈឺចុកចាប់(ទោះក្នុងកម្រិតដូសតិចតួចក្តី )ឬផឹកស្រាទៀងទាត់គឺជាបុព្វហេតុចម្បងបណ្តាលឱ្យថ្លើមចុះខ្សោយ និងឈានទៅមានជំងឺ ។
៥- លេបឱសថអាហារូបត្ថម្ភជំនួួយថ្លើម ៖
ឱសថ រុក្ខជាតិ Milk Thistle ឱសថរមៀតនិង ឱសថចម្រាញ់ពីឫសផ្កា Dandelion គឺជាអ្វីដែលគួរពិចារណានៅពេលគេគិតពីការសម្អាតក៏ដូចជាការ ការពារថ្លើម ។ ចូរសាកល្បងប្រើប្រាស់ រមៀត ៤៥មិល្លីក្រាម ឫសផ្កាDandelion ៤០០មិល្លីក្រាម ឬ Milk Thistle ៤០០មិល្លីក្រាមប្រចាំថ្ងៃ ។ ចំពោះផ្កា Dandelion គេអាចយកឫសវាទាំងស្រស់ទៅចំហុយធ្វើជាតែក៏បាន ។
៦- ត្រូវទទួលទានអាហារផ្ទុកសារធាតុរ៉ែឱ្យបានគ្រប់គ្រាន់ ៖
រ៉ែ ជាសារធាតុចាំបាច់បំផុតសម្រាប់ថ្លើមក្នុងពេលបំពេញមុខងារ កម្ចាត់ជាតិពុលពីរាងកាយ ។ រ៉ែចាំបាច់សម្រាប់ដំណើរការកម្ចាត់ជាតិពុលពីរាងកាយមានដូចជា ម៉ាញេស្យូម កាល់ស្យូម ប៉ូតាស្យូម ទង់ដែង សូដ្យូម ដែក ស័ង្កសី សេលីញ៉ូម ម៉ង់កាណែស ។ ចូរទទួលទានបណ្តាអាហារដែលផ្ទុករ៉ែទាំងនេះឱ្យបានច្រើនតាមដែល អាច ៕
No comments:
Post a Comment